រសៀលថ្ងៃព្រហស្បត៍ ១៥កើត ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៥ ខែសីហា ឆ្នាំ២០១៩ ឯកឧត្តម ធូ ភា អភិបាលរងខេត្តប៉ៃលិន បានដឹកនាំគណៈប្រតិភូខេត្តប៉ៃលិន និងគណប្រតិភូស្រុកកំរៀង ខេត្តបាត់ដំបង ជួបប្រជុំជាមួយលោក ធីរ៉ាក់ណៈ រតនៈ អ៊ូផាត អភិបាលស្រុកពោងណាំរ៉ន ខេត្តចាន់បុរី ប្រទេសថៃ និងសមត្ថកិច្ចថៃពាក់ព័ន្ធជាច្រើននាក់ទៀត នៅច្រកបានឡែម ស្រុកពោងណាំរ៉ន ខេត្តចាន់បុរី ប្រទេសថៃ ដើម្បីរៀបចំព្រឹត្តិការណ៍ជិះកង់ រឹតចំណងមិត្តភាព និង កិច្ចសហការល្អ រវាងខេត្តជាប់ព្រំដែន កម្ពុជា-ថៃ ដែលនឹងប្រព្រឹត្តទៅនាថ្ងៃទី៨ ខែកញ្ញា ឆ្នាំ២០១៩ខាងមុខ។
ការជិៈកង់មិត្តភាពនេះ គឺផ្តើមចេញពីច្រកទ្វារអន្តរជាតិព្រំ ក្នុងខេត្តប៉ៃលិន និងបញ្ចប់ទៅវិញនៅចំណុចច្រកទ្វារអន្តរជាតិដូង ខេត្តបាត់ដំបង (ច្រកបានឡែម នៅខាងភាគីថៃ) ដែលមានរយៈចំងាយផ្លូវប្រមាណ ១០០គីឡូម៉ែត្រ ដែលនឹងមានអ្នកចូលរួមជិៈកង់ប្រមាណ ២០០០កង់៕ ដោយ៖ វួច ពឿន
